ShQO-daǵy «Odessa» paromy jumysyn bastady

ÓSKEMEN. KAZINFORM — Shyǵys Qazaqstan oblysyndaǵy Vasılevsk ótkelindegi «Odessa» paromy óz jumysyn bastady.

Vasılevsk ótkeli Samar men Úlken Naryn aýdandaryn jalǵap tur. Endi eki ortada «Odessa» paromy qatynaıdy. 

— Úlken Naryn aýdanynan parom saǵat 7.00, 9.00, 11.00, 13.00, 15.00, 17.00, 19.00, 21.00-de shyǵady. Al Samar aýdanynan saǵat 8.00, 10.00, 12.00, 14.00, 16.00, 20.00, 22.00-de júredi, — dep habarlady oblys ákimdiginen.

Aıta keteıik, «Odessa» paromy 450 tonnaǵa deıingi jeńil jáne júk kólikterin tasymaldaıdy. 

Eske salsaq, osyǵan deıin Óskemende byltyr qarasha aıynan beri jartylaı jabylǵan Ponton kópiri ashylǵany habarlanǵan bolatyn.