ShQO-daǵy Novo-Berezov ken ornynda ekologııalyq zańbuzýshylyqtar anyqtaldy
ÓSKEMEN. KAZINFORM — Shyǵys Qazaqstan oblysynda ekologtar Novo-Berezov ken ornyndaǵy ekologııalyq zańbuzýshylyqtardy anyqtady.
ShQO ekologııa departamentiniń mamandary tabıǵat qorǵaý prokýratýrasynyń úılestirýimen Dengbo Success Minerals LTD kompanııasyna qatysty jospardan tys tekserýdi aıaqtady. Tekserý Verhneberezov kenti turǵyndarynyń ótinishinen keıin júrgizildi.
— Ken ornynyń aýmaǵyn tekserý barysynda nysanda iske qosý-baptaý jumystary júrgizilgeni anyqtaldy. Bul jumystar kezinde sorǵy jabdyqtarynyń kómegimen shahta sýy sorylyp, keıin Berezovka ózenine aǵyzylǵan. Qorshaǵan ortaǵa yqtımal áserdi baǵalaý úshin mamandar shahta sýy men topyraqtan synama aldy. Zerthanalyq zertteý nátıjeleri ózen men topyraq quramynda lastaýshy zattar mólsheriniń joǵarylaǵanyn kórsetti, — dep habarlady departamentten.
Tekserý qorytyndysy boıynsha kásiporyn Ákimshilik quqyq buzýshylyq týraly Kodekstiń 328, 331, 337 jáne 358-baptary boıynsha ákimshilik jaýapkershilikke tartyldy. Sonymen qatar kásiporynda ekologııalyq ruqsattyń joq ekeni anyqtaldy. Іs materıaldary zańnamada belgilengen tártippen qaraý úshin sotqa joldandy.
Sondaı-aq kásiporynǵa anyqtalǵan zańbuzýshylyqtardy joıý jáne ken orny aýmaǵynan shahta sýynyń, lastanǵan jańbyr jáne erigen qar sýynyń ózenge túsýine jol bermeý jóninde sharalar qabyldaý týraly nusqamalar berildi.
Eske salsaq, buǵan deıin Taldyqorǵanda ekologter kelgenshe belgisiz suıyqtyq tógilgen shuńqyrlardy kómip tastaǵany habarlanǵan.
