ShQO-daǵy monshada jylytý qazandyǵy jaryldy
Shyǵys Qazaqstan oblysy Zaısan aýdanyndaǵy qoǵamdyq monshada jylytý qazandyǵy jarylyp, 1 adam kóz jumdy, dep habarlaıdy Kazinform.
ShQO Tótenshe jaǵdaılar departamenti baspasóz qyzmetiniń málimetinshe, oqıǵa 14 qazanda Zaısan qalasyndaǵy Boqajanov kóshesinde bolǵan.
Birqabatty qoǵamdyq monshada qatty otynmen jumys isteıtin jylytý qazandyǵy jaryldy.
Sonyń saldarynan bir adam qaza bolyp, eki adam jaraqat aldy.
«Jedel járdem qyzmetkerleri 1984 jáne 1991 jyly týǵan er adamdardy medıtsınalyq mekemege jetkizdi. Qazandyq jarylǵan kezde monsha ishinde kelýshiler bolmaǵan. TJD qyzmetkerleri jartylaı qulaǵan ǵımaratty tazalaýda», - delingen aqparatta.
Qazirgi ýaqytta Zaısan qalasyna oblys ákimi Ermek Kósherbaev pen ShQO TJD bastyǵy Erǵalı Bahaev jolǵa shyqty.
