ShQO-daǵy mektepterde onlaın oqyp jatqan synyp qalmady
ÓSKEMEN. KAZINFORM - Shyǵys Qazaqstan oblysyndaǵy bilim ordalarynda barlyq synyptar offlaın formatta oqyp jatyr.
Óńir boıynsha maýsymdyq tumaý men jedel respıratorlyq vırýstyq ınfektsııalar boıynsha epıdemıologııalyq jaǵdaı turaqtaldy.
Osyǵan baılanysty oblystaǵy barlyq bilim berý uıymdarynda oqý protsesi dástúrli formatqa kóshken. Bul týraly ShQO Bilim basqarmasynyń baspasóz qyzmetinen habarlap otyr.
- Sanıtarlyq-epıdemıologııalyq ahýaldyń jaqsarýyna baılanysty barlyq mektepterde sabaqtar shtattyq rejımde ótip jatyr. Qazirgi tańda bilim berý protsesi qoldanystaǵy sanıtarlyq talaptar men qaýipsizdik sharalaryn qatań saqtaı otyryp, óz jumystaryn jalǵastyrýda, - delingen málimette.
Eske salsaq, ShQO-da uzaqqa sozylǵan talqylaýlardan keıin mektep ashanalarynyń máziri bekitilgenin habarlaǵan bolatynbyz.