ShQO-daǵy Maloýbınka aýylynda qatty daýyldan úıler men sharýashylyq qurylystar búlindi
ÓSKEMEN. KAZINFORM — Shyǵys Qazaqstan oblysynyń Glýbokoe aýdanyndaǵy Maloýbınka aýylynda qatty jel turǵyn úıler men sharýashylyq qurylystarǵa zaqym keltirdi.
Aldyn ala málimet boıynsha, daýyl saldarynan birneshe turǵyn úıdiń shatyry ushyp, aýladaǵy sharýashylyq ǵımarattar búlingen. Qazirgi ýaqytta keltirilgen shyǵyn kólemin anyqtaý jumystary júrgizilip jatyr.
Glýbokoe aýdanynyń ákimi Eldar Tumashınovtyń aıtýynsha, mamandar zardap shekken nysandardy tolyq tekserip bolǵannan keıin turǵyndarǵa qajetti kómek kórsetiledi.
— Daýyldyń saldary shynymen de aýyr. Qatty jel turǵyn úılerdiń shatyryn ushyryp, sharýashylyq qurylystarǵa zaqym keltirdi. Qazir bizdiń basty mindetimiz — keltirilgen shyǵyndy jedel baǵalap, kómekke muqtaj turǵyndarǵa múmkindiginshe qoldaý kórsetý. Maloýbınka aýylynyń turǵyndary qıyndyqta jalǵyz qalmaıdy, — dedi ol.
Aýdan ákimdiginiń málimetinshe, tekserý jumystary aıaqtalǵannan keıin qalpyna keltirý jumystarynyń kólemi aıqyndalyp, zardap shekkenderge kómek kórsetý tetikteri belgilenedi.
Eske salsaq, osyǵan deıin Óskemende qatty jelden 5 úıdiń shatyry búlingeni habarlanǵan.
