ShQO-daǵy lıtıı kenin ıgerý jobasy qaı kezeńde tur
ASTANA. KAZINFORM – Ónerkásip jáne qurylys vıtse-mınıstri Iran Sharhan Shyǵys Qazaqstan oblysyndaǵy «Bakennoe» lıtıı ken ornyn ıgerý jobasynyń qaı satyda turǵanyn aıtty.
Belgili bolǵandaı, qazirgi ýaqytta onda Koreı geoǵylymdar jáne mıneraldyq resýrstar ınstıtýty (KIGAM) jer qoınaýyn jeke geologııalyq zertteý jumystaryn júrgizip jatyr.
Vıtse-mınıstrdiń aıtýynsha, osy aýmaqtaǵy birqatar nysandarda tıisti qorlar anyqtalǵan. Qazir olardy ári qaraı ıgerý maqsatynda memlekettik esepke qoıý rásimi júrgizilýde.
– Munda tehnogendik mıneraldyq qaldyqtar týraly tarıhı derekter jazylǵan. Bul alańda tıisti úıindiler de bar. Qazirgi ýaqytta sol jerlerde tıisti jumystar júrgizilýde jáne memlekettik esepke qoıý rásiminen ótýde. Bul protsester zańnamalyq túrde rásimdelip, qorǵalady. Qazir olardyń barlyǵy tolyqqandy memlekettik esepke qoıylyp jatyr. Odan keıin másele osy ken ornyn óńdeý jáne ıgerý kezeńine aýysady, - dedi Iran Sharhan Astanada Asa mańyzdy mıneraldar jónindegi C5+1 dıalogy kýlýarynda.
Spıker naqty qor kólemderi táýelsiz mamandar rastaǵannan keıin jarııalanatynyn atap ótti.
– Táýelsiz quzyretti mamandar rastaǵan kezde ǵana naqty aıtýǵa bolady. Osy dalalyq maýsymda biz naqty sandardy aıta alamyz, - dedi vıtse-mınıstr.
Eske sala keteıik, KIGAM 2023 jyldyń mamyr aıynan bastap Shyǵys Qazaqstan oblysyndaǵy «Bakennoe» lıtıı ken ornynda barlaý jumystaryn júrgizip keledi. Instıtýt «Qazgeologııa» UGK AQ-nan jer qoınaýyn geologııalyq zertteýge lıtsenzııa alǵan.
Buǵan deıin «Bakennoe» ken ornyndaǵy lıtıı qory týraly derekter 2031 jyly ǵana jalpyǵa qoljetimdi bolatyny habarlanǵan edi.
Lıtıı – elektr kólikteri, smartfondar, noýtbýkter jáne basqa da joǵary tehnologııalyq qurylǵylarǵa arnalǵan akkýmýlıatorlar óndirisindegi negizgi komponent. Halyqaralyq energetıkalyq agenttiktiń boljamyna sáıkes, 2030 jylǵa qaraı lıtıı batareıalaryna jahandyq suranys tórt esege deıin artýy múmkin.
