ShQO-daǵy Lenınniń eskertkishi mańyzdy eskertkishter tiziminen shyǵarylady

ASTANA. KAZINFORM – Shyǵys Qazaqstan oblysynyń Altaı aýdanyndaǵy V.Lenınniń eskertkishi jergilikti mańyzdaǵy eskertkishteriniń memlekettik tiziminen shyǵarylmaq. Bul týraly oblystyq ákimdiktiń qaýly jobasynda aıtylǵan.

- Shyǵys Qazaqstan oblysynyń jergilikti mańyzy bar tarıh jáne mádenıet eskertkishteriniń memlekettik tiziminde turǵan, osy qaýlyǵa qosymshada kórsetilgen nysandar jergilikti mańyzy bar tarıh jáne mádenıet eskertkishteri mártebesinen aıyrylsyn, - dep jazylǵan qujatta.

Qosymshada 5 nysan kórsetilgen. Olar:

1. V.I. Lenın eskertkishi (1962 jyl, Altaı qalasy, ortalyq alań);

2. E.P. Mıhaelıs beıiti (1913 jyl, Óskemen qalasy, Ýshanov qalalyq zıraty, Stepnoe aýylyna baratyn tas joldyń boıynda);

3. O.F.Kostıýrınniń mehanıkalyq sheberhanalary (1907 jyl, Óskemen qalasy, Anton Chehov kóshesi, 43);

4. Óner murajaıynyń ǵımaraty (altyn óndirýshi A.S.Menovşıkovtyń burynǵy keńsesi), (1914 jyl, Óskemen qalasy Toqtarov kóshesi, 56);

5. Kópes Muhamedshınniń labazy (1906 jyl, Shemonaıha qalasy, Anatolıı Ivanov kóshesi, 32).

Jalpy atalǵan tizimde oblystyq mańyzdaǵy 323 nysan bolǵan. Qaýly qabyldansa, olardyń sany 319-ǵa qysqarady degen sóz.

Osy 319 nysannyń ishinde Keńes úkimetin ornatý úshin kúreskenderge arnalǵan eskertkish, ıA.V. Ýshanov eskertkishi, F.E. Dzerjınskıı bıýsti, Ýstkamennaıa bekinisiniń negizin qalaýshylarǵa arnalǵan dekoratıvtik skýlptýra-sýburqaq, «Qylyshtan oraq quıamyz» músini, Keńes úkimeti úshin kúreskenderdiń baýyrlastyq beıiti, Sharap dúkeni, Syra zaýytynyń ıesi ıAvorovskııdiń úıi, «Savva Semenov jáne onyń uldary» saýda úıi, Kópes A. Rafıkovtyń labazy, kommersant A.K.Bobrovtyń úıi, I. N. Kojevnıkovtyń shyny jáne faıans ydystary dúkeni, Vydrınnyń úıi, býhgalter Jeromskııdyń úıi, Balyqshy baı I.D.Podoınıkovtyń úıi, A.S.Menovşıkovtyń sharap saqtaıtyn jertólesi bar úıi, altyn izdeýshi Valıtovtyń úıi, kópes Semenovtyń dúkeni, kópes H.Erzınniń úıi, kópes J.Tatanovtyń úıi, kópes Ǵabdyrasyldyń úıi, kópes B. Bobkınniń úıi, Kópes T.Bekchentaevtyń dúken, kópes A.V. Sobachkınniń úıi, A.F.Kazarınovtyń úıi, altyn izdeýshi P.G.Sorokınniń úıi, kópes Bykovtardyń úıi, S.Maleı jazalanǵan jerdegi qulpytas, Pıter Kommýnarlaryna eskertkish, V.I.Chapaevtyń bıýsti sııaqty eski ıdeologııanyń nysandary áli bar.

Buǵan deıin Petropavlda eskertkish ústine minip, selfı jasaǵan sheteldik qamaýǵa alynǵanyn jazǵan edik.