ShQO-daǵy kásiporyndarda qaýipsizdik talabyn buzýdyń 840-tan asa faktisi tirkeldi
ÓSKEMEN. KAZINFORM — Shyǵys Qazaqstan oblysyndaǵy óndiristik kásiporyndarda qaýipsizdik talabynyń saqtalýy tekserilip jatyr.
Óńirde bıyl 256 qaýipti óndiristik nysanǵa tekserý júrgizildi. Sonyń nátıjesinde ónerkásiptik qaýipsizdik talabyn buzýdyń 842 deregi anyqtaldy.
— Osy jyly oblys kásiporyndaryndaǵy paıdalaný merzimi ótken 600-den astam tehnıkalyq qurylǵy men tehnologııalyq jelini aýystyrý josparlanyp otyr. Ónerkásiptik qaýipsizdik júıesin jetildirý jáne ǵylymı negizdelgen sheshimder ázirleý maqsatynda óńirdiń Tótenshe jaǵdaılar departamenti janynan ónerkásiptik qaýipsizdik salasyndaǵy ǵylymı-tehnıkalyq keńes quryldy. «Kaztsınk» JShS jáne «Shyǵystústimet» JShS taý-ken kásiporyndarynda qaýipsizdik protsesteri tsıfrlandyrylyp jatyr, — dep habarlady ShQO ákimdiginen.
5 mamyrda «Kaztsınk» JShS myrysh zaýytynyń elektrolız tsehynda bolǵan apatty jáne 30 mamyrda «Shyǵystústimet» JShS Artemev kenishiniń jerasty ýchaskesinde jarýshy mamannyń qaza bolýyna ákelgen oqys oqıǵany tekserý úshin arnaıy komıssııalar qurylǵan.
— Birde-bir mańyzdy derek nazardan tys qalmaıdy. Jaýapty tulǵalardyń áreketterine túbegeıli baǵa beriletin bolady. Atalǵan jumys turaqty baqylaýda, — dedi oblys ákimi Nurymbet Saqtaǵanov.
Eske salsaq, osyǵan deıin ShQO-da shahter óliminen keıin óndiristik nysandardaǵy qaýipsizdik deńgeıi arttyrylatyndyǵy habarlanǵan.
