ShQO-daǵy kásiporyndar jumysshylaryna 280 mln teńge jalaqy tólemegen

Shyǵys Qazaqstan oblysyndaǵy kásiporyndardyń jumysshylaryna qaryzy 280 mln teńgege jetken, dep habarlaıdy Kazinform. 

Bul týraly oblystyq aqparat ortalyǵynda ótken baspasóz máslıhaty barysynda ShQO memlekettik eńbek ınspektsııasy basqarmasynyń basshysy Baqytbek Qızatov málim etti.

«Jyl basynan beri óńirdegi 103 kásiporynda myńnan astam jumysshyǵa 800 mln teńgeden astam jalaqy bereshegi anyqtalǵan. Qabyldanǵan sharalardyń nátıjesinde 101 kásiporynda eńbekaqy boıynsha bereshek tolyqtaı óteldi. Jumysshylarǵa barlyǵy 530 mln teńge jalaqy tólengen. Qazirgi ýaqytta qaryzdyń qaldyǵy 280 mln teńgeden asady», - dedi Baqytbek Qızatov.

Onyń aıtýynsha, qalǵan qaryz oblystaǵy eki kásiporynǵa tıesili. Onyń 383 jumysshysyna jalaqy boıynsha bereshek áli tólenbeı keledi.