ShQO-daǵy kásiporynda tehnıka qaýipsizdiginiń saqtalmaýynan jumysshy kóz jumdy
ÓSKEMEN. KAZINFORM – Shyǵys Qazaqstan oblysy Kúrshim aýdanyndaǵy taý-ken kásipornynda jumysshy mert boldy.
ShQO ákimdiginiń habarlaýynsha, Maraldy aýylyndaǵy taý-ken kásipornynda jazataıym oqıǵa boldy. Qaýipsizdik tehnıkasynyń saqtalmaýy saldarynan «Myrzataev» JK-nyń kranshysy kóz jumdy. Oqıǵa ornyna prokýror, polıtsııa, tótenshe jaǵdaılar departamentiniń mamandary bardy.
«Aldyn ala málimetter boıynsha kran batyp qalyp, jumysshy býldozer júrgizýshisinen ony súırep shyǵarýdy surady. Biraq qaýipsizdik sharalary saqtalmaǵandyqtan býldozer syrǵyp ketip, kranshy eki tehnıkanyń arasynda qalyp qoıdy. Alǵan jaraqattardan ol sol jerde mert boldy», - delingen aqparatta.
Atalǵan kásiporynda eńbek zańnamasy men eńbekti qorǵaý normalarynyń saqtalýy boıynsha jospardan tys tekserý júrgiziledi.
