ShQO-daǵy eki respýblıkalyq jolda qarasha aıynan beri engizilgen shekteý alynyp tastaldy
ÓSKEMEN. KAZINFORM – Shyǵys Qazaqstan oblysyndaǵy eki respýblıkalyq joldaǵy kólik qozǵalysyna salynǵan shekteý alyndy.

ShQO Polıtsııa departamenti baspasóz qyzmetiniń málimetine súıensek, óńir aýmaǵyndaǵy eki jolda aýa raıy jaǵdaıyna baılanysty 2024 jyldyń 1 qarashasynan beri tirkemeli jáne jartylaı tirkemeleri bar kólikterdiń qozǵalysyna shekteý qoıylǵan bolatyn.
Atap aıtqanda, respýblıkalyq mańyzy bar Óskemen-Altaı-Úlken Naryn-Katonqaraǵaı-Rahman qaınarlary tasjolynyń 46-66 shaqyrymy (Osınov asýy) jáne Óskemen-Rıdder-RF shekarasy tasjolynyń 94-104 shaqyrymy (Býtakovo aýyly men Rıdder qalasynyń aralyǵy).
- 31 naýryzdan bastap shekteý alynyp tastaldy. Endi tirkemeli jáne jartylaı tirkemeleri bar kólikterdiń qozǵalysyna ruqsat etilgen, - delingen aqparatta.
Eske salsaq, buǵan deıin Oral qalasynda Bısen Jumaǵalıev kóshesindegi joldyń nasharlyǵyna baılanysty áleýmettik jelide beınejazba taraǵany jaıly jazǵanbyz.