ShQO-daǵy Buqtyrma ózeninde jarylys jasaldy
ÓSKEMEN. KAZINFORM – Shyǵys Qazaqstan oblysy Altaı aýdanyndaǵy Buqtyrma ózeninde jarylys jasalyp, muz usaqtaldy.
Altaı aýdanynda muz jaryldy. Atalǵan jumysty jergilikti atqarýshy organdar, ShQO Tótenshe jaǵdaılar departamenti men mamandandyrylǵan uıym qyzmetkerleri júrgizdi. Buqtyrma ózenindegi muzdyń qalyńdyǵy 74 sm bolǵan.
«Muz keptelýi jaǵalaýlardy sý basýyna ákelýi múmkin. Buǵan jol bermes maqsatynda jarý jumystary júrgizilip, muz usaqtalady. Zýbovsk kentiniń aýdanyndaǵy ózende sý tasqyny qaýpi bar ýchaske pysyqtaldy. Usaqtalǵan muzdyń jalpy aýdany – 16 000 sharshy metr», - deıdi oblystyq TJD bastyǵynyń orynbasary Qýatbek Kenjebekuly.
