ShQO-daǵy birneshe aýdanda memlekettik qyzmet týraly zań talaptary buzylǵan
ÓSKEMEN. KAZINFORM – Shyǵys Qazaqstan oblysynda memlekettik organdardaǵy, sonyń ishinde basshylyq laýazymdardaǵy uzaq ýaqyt boıy toltyrylmaı turǵan bos oryndar anyqtaldy.
Keıbir aýdandarda bul jaǵdaı kadr tapshylyǵy máselesinen asyp túsip, ýaqytsha mindet atqarý merzimine qatysty zań talaptarynyń buzylýyna ulasqan.
QR Memlekettik qyzmet isteri agenttiginiń Shyǵys Qazaqstan oblysy boıynsha departamentiniń derekterine sáıkes, uzaq ýaqyt boıy bos turǵan laýazymdardyń úlesi 5%-dy quraıdy.
– Atap aıtqanda, Marqakól, Ulan, Glýbokoe, Altaı jáne Samar aýdandarynda ishki saıasat, sáýlet, turǵyn úı-kommýnaldyq sharýashylyq, ekonomıka jáne qarjy bólimderiniń 12 basshylyq laýazymy bos tur, - delingen aqparatta.
«Qazaqstan Respýblıkasynyń memlekettik qyzmeti týraly» Zańnyń 38-babyna sáıkes, jergilikti atqarýshy organ bóliminiń basshysy mindetin ýaqytsha atqarý merzimi úsh aıdan aspaýy tıis. Alaıda joǵaryda atalǵan aýdandarda bul talap saqtalmaǵan.
Eske salsaq, osyǵan deıin memlekettik qyzmet salasynda 50-ge jýyq jańa akt ázirlenetini habarlanǵan.
