ShQO-daǵy birneshe aýdanda aýyzsý sapasy talapqa saı kelmeıdi

ÓSKEMEN. KAZINFORM – Shyǵys Qazaqstan oblysynda aýyzsý sapasyna turaqty túrde baqylaý júrgizilip jatyr.

Óńirdegi keıbir aýdandarda aýyzsýdyń sapasy hımııalyq jáne mıkrobıologııalyq kórsetkishter boıynsha sanıtarlyq normalarǵa saı kelmeıtini anyqtaldy.

ShQO Sanıtarlyq-epıdemıologııalyq baqylaý departamentiniń málimetine súıensek, 2025 jyldyń alty aıynda oblys boıynsha 1008 aýyzsý synamasy zerttelgen. Sonyń ishinde 35 synamada (6,6%) sanıtarlyq-hımııalyq kórsetkishter boıynsha shekti ruqsat etilgen mólsherden asý faktisi tirkelgen. Al ótken jyly bul kórsetkish nebári 2,5% bolǵan.

- Shemonaıha, Zaısan jáne Marqakól aýdandaryndaǵy aýyzsý sapasy talapqa saı kelmedi. Mıkrobıologııalyq kórsetkishter boıynsha da uqsas jaǵdaı baıqaldy. 784 synamanyń 35-i (4,4%) sanıtarlyq talaptarǵa saı bolmaı shyqty. Bul rette buzýshylyqtar Óskemen qalasynda jáne Ulan, Zaısan, Marqakól, Altaı jáne Shemonaıha aýdandarynda tirkelip otyr, - delingen aqparatta.

Abyroı bolǵanda, sapasyz aýyzsýdan ınfektsııalyq aýrýlar tirkelgen joq.

- Talapqa saı kelmegen sý synamalary boıynsha jaýapty uıymdar tarapynan qubyrlardy jýyp-shaıý jáne dezınfektsııalaý jumystary júrgizildi. Qaıta alynǵan synamalar aýyzsýdyń belgilengen normatıvterge saı ekenin kórsetti, - delingen habarlamada.

Eske salsaq, osyǵan deıin bıyl 53 eldi mekenge ortalyqtandyrylǵan aýyzsý júıesi alǵash ret qosylatyndyǵy jaıly jazǵanbyz.