ShQO-daǵy basqarma «Sergekti» iske asyrǵan kompanııaǵa 238 mln teńgeni zańsyz tólegen

ÓSKEMEN. KAZINFORM – Shyǵys Qazaqstan oblysyndaǵy basqarmanyń «Sergek» jobasyn iske asyrǵan kompanııaǵa 238 mln teńgeni zańsyz tólegeni anyqtaldy. 

ShQO Prokýratýrasy «Sergek» jobasyn iske asyrý kezinde memlekettik-jekeshelik áriptestik týraly zańnamanyń saqtalýyna tekserý júrgizdi. Atalǵan joba aıasynda memlekettik bıýdjetten «Kórkem-Telekom» JShS-men 7 mlrd teńgeden astam somaǵa kelisimshart jasalǵan.

«Tekserý barysynda memlekettik qarajatty zańsyz tóleý faktileri anyqtaldy. Jobanyń quny 238 mln teńgege esh negizsiz ósken. Prokýratýra engizgen qadaǵalaý aktisinen keıin Shyǵys Qazaqstan oblystyq Jolaýshylar kóligi jáne avtomobıl joldary basqarmasy negizsiz tólengen shyǵyndardy óndirý týraly talap-aryz berdi», - dep habarlady oblys Prokýratýrasynyń baspasóz qyzmetinen. 

Sot sheshimimen talap-aryz tolyq kólemde qanaǵattandyryldy. Al, apellıatsııalyq sot birinshi satydaǵy sot aktisin kúshinde qaldyrdy.

Sot sheshimine sáıkes, «Kórkem-Telekom» JShS memlekettik bıýdjetke 238 mln teńgeni qaıtardy.