ShQO-daǵy basqarma 5 mln teńgege qyzmettik kólikke múlde kelmeıtin qozǵaltqysh almaq bolǵan – Antıkor

Shyǵys Qazaqstan oblysynda Antıkordyń aralasýynan keıin bir jyl ishinde 2,2 mlrd teńge bıýdjet qarajaty únemdeldi, dep habarlaıdy Kazinform.

ShQO boıynsha sybaılas jemqorlyqqa qarsy qyzmeti jyl basynan beri memlekettik satyp alý portalyn monıtorıngileýde. Sonyń nátıjesinde, jalpy somasy 2,2 mlrd teńge bıýdjet qarajaty únemdelgen.

«Máselen, ShQO Tabıǵı resýrstar jáne tabıǵat paıdalanýdy retteý basqarmasynyń «Samyrsyn orman sharýashylyǵy» KMM qyzmettik avtokóligine is júzinde paıdalanýǵa kelmeıtin qozǵaltqysh satyp almaq bolǵan. Bizdiń usynysymyz boıynsha basqarma ókilderi satyp alýdy qaıta qarastyryp, nátıjesinde únemdelgen 5 mln teńge uıymnyń naqty qajettilikterine baǵyttaldy», - deıdi ShQO boıynsha Sybaılas jemqorlyqqa qarsy qyzmetiniń basshysy Denıs Shakenov.

Onyń aıtýynsha, bul baǵyttaǵy jumys kelesi jyly da turaqty túrde júrgiziledi.