ShQO-daǵy balabaqshalar mańyndaǵy 500-ge jýyq jol belgisin aýystyrý qajet

ÓSKEMEN. KAZINFORM – Shyǵys Qazaqstan oblysyndaǵy balabaqshalar mańyndaǵy 500-ge jýyq jol belgisin aýystyrý qajet.

Óńirde balalardyń jol-kólik oqıǵalarynan zardap shegýiniń aldyn alý úshin bilim oshaqtary mańyndaǵy jol belgilerine, jaıaý júrginshiler ótkelderine, jaryq shamdary men kólik turaqtaryna tekseris júrgizildi.

Oblystyq Bilim basqarmasynyń málimetinshe, 455 balabaqsha men qosymsha bilim berý mekemeleriniń mańyndaǵy 494 jol belgisin aýystyryp, 230 jol jyldamdyǵyn shekteıtin kedergini ornatý qajet. 

«Shyǵys Qazaqstandaǵy 343 mekteptiń 161-i kósheniń negizgi jolyna jaqyn ornalasqan. Osyndaǵy 223 jol belgisin aýystyryp, 34 jaıaý júrginshiler ótkeliniń aldyna qosymsha jaryq shamdaryn ornatyp, 12 mekteptiń aldynda kólik qoıatyn turaqtar uıymdastyrý kerek. Búginde arnaıy Jol kartasyn júzege asyrý aıasynda 415 jol belgisiniń 56-sy ǵana ornatyldy. Onyń ishinde Óskemen qalasynda – 14, Shemonaıha aýdanynda – 34, Rıdder qalasynda – 6. Glýbokoe aýdanynda – 2», - delingen aqparatta.