ShQO-daǵy aýylda shuǵyl kómekke zárý naýqas Óskemenge tikushaqpen jetkizildi
ÓSKEMEN. KAZINFORM — QR TJM tikushaǵy 17 jastaǵy naýqasty Samar aýylynan Óskemenge jetkizdi.
Samar aýdanynyń ortalyǵynda turatyn adamǵa shuǵyl medıtsınalyq kómek qajet boldy. Naýqasty Óskemenge jetkizý úshin QR TJM «Qazavıaqutqarý» mekemesiniń MI-8 markaly tikushaǵy jumyldyryldy.
— Ushqyshtar Sergeı Pınıgın men Oleg Alfeev sanavıatsııanyń tájirıbeli dárigerleri Rafaıl Halıtov pen Anton Volkovtyń súıemeldeýimen qaladaǵy medıtsınalyq mekemege odan ári kómek kórsetý úshin jedel jetkizdi. Mınıstrliktiń tikushaqtary kentterdiń, aýyldardyń alys qashyqtaǵy jaǵdaıynda shuǵyl medıtsınalyq kómek kórsetý úshin árkez turaqty daıyndyqta, — dep habarlady ShQO Tótenshe jaǵdaılar departamentiniń baspasóz qyzmetinen.
Qazir 17 jastaǵy patsıentti Óskemen dárigerleri emdep jatyr.
Eske salsaq, osyǵan deıin Qyzylordada naýqastarǵa kútim jasaýdy úıretetin mektep ashylǵany habarlanǵan.