ShQO-daǵy aýyl irgesindegi jolda aıý júr
ÓSKEMEN. KAZINFORM – Shyǵys Qazaqstan oblysy Marqakól aýdanynyń turǵyndary aýyl irgesindegi jolda aıý júrgenin baıqady.
Aıý aýyl irgesindegi jolda júrgeni túsirilgen vıdeo áleýmettik jelide tarap ketti.
Osyǵan qatysty Marqakól aýdanynyń ákimdigi jaýap berdi.
- Aqjaılaý men Urunhaıka aýyldarynyń arasyndaǵy jolda aıýdyń júrýine baılanysty Marqakól orman sharýashylyǵynyń jáne aýdandyq polıtsııa bóliminiń qyzmetkerleri oqıǵa ornynda tıisti jumys júrgizip jatyr. Qazirgi ýaqytta aıý taýly aımaqqa qaraı ketken. Sonymen qatar tártip saqshylary jergilikti turǵyndar men atalǵan jol ýchaskesimen qatynaıtyn júrgizýshilerge qaýipsizdik sharalaryn saqtaý boıynsha túsindirý jumystaryn júrgizip jatyr, - delingen aqparatta.
Marqakól orman sharýashylyǵy qyzmetkerleriniń málimetine sáıkes, zardap shekkender joq. Jaǵdaı quzyrly organdardyń baqylaýynda.
Eske salsaq, osyǵan deıin Kólsaıda aıý qonjyǵymen birge kameraǵa túsip qalǵany habarlanǵan.
