ShQO-daǵy aýyl halqy psıhıatrııalyq aýrýhana qurylysynyń sozbalańǵa salynǵanyna narazy

Kópshilik qalaǵa kóship jatyr

Jańa Qanaı aýyly Óskemennen 47 shaqyrym jerde oryn tepken. Zeınetker Gúlbarshyn Altaevanyń munda turyp jatqanyna 50 jyl bolypty. 

– Aýyldaǵy negizgi másele – 120 adamǵa arnalǵan psıhıatrııalyq aýrýhana qurylysy. Sońǵy bes jylda bul nysandy salýǵa qanshama mekeme árekettendi. Biraq eshqaısysyna qurylysty aıaqtaý múmkin bolmaı tur. Osy medıtsınalyq nysannyń tarıhy ótken ǵasyrdyń ortasynan bastalady. Munda 70 jyl oblystyq psıhıatrııalyq aýrýhana boldy. Oǵan bizdiń óńirden bólek, respýblıkanyń ár túkpirinen adam keletin. Osy ýaqyt aralyǵynda aq halattylardyń 2-3 býyny qalyptasty, – deıdi zeınetker.

Onyń aıtýynsha, qazir jastardyń kóbi qalaǵa oqýǵa ketip, sonda qalyp jatyr. Al turǵyndar aıtqan aýrýhana tólqujatynda qurylys 2024 jyldyń 20 mamyrynda bastalyp, 2025 jyldyń 1 mamyrynda aıaqtalýy tıis ekeni jazylǵan.

– Eki jyl buryn ákim tapsyrmasy aıasynda aýrýhana qurylysy bastalǵan edi. Ony estigen aýyldastar qýanyp, kóshemiz dep júrgender ketpeýge bekingen. Basynda eki qabatty, keıin úsh qabatty bolady dedi. Qazir bir qabaty da joq, tek irgetasy tur, – deıdi Gúlbarshyn Altaeva.

Qurylys nege toqtady?

Búginde aýylda 365 adam turady. Kezinde myńǵa jýyq turǵyn bolypty. Sońǵy jyldary jurt basqa jaqqa qonys aýdaryp, týǵan jerinen jyraqtaǵan. Al aýylda qalǵandardyń bılikten suraıtyny – aýrýhana men jol. Bolathan Sultan esimdi azamat aýylǵa aparar jol 1987 jyly ǵana kúrdeli jóndeýden ótkenin alǵa tartty. 

– Sodan beri eshkim kóńil bólip, jóndeý júrgizbedi. 2000-jyldary turǵyndar bolyp ózimiz qarajat jınap, shuńqyrlardy jamadyq. Aýylǵa kúnine eki ret avtobýs qatynaıdy. Jol máselesi óte ózekti. Buny aýyldyq okrýg jáne aýdan ákimdigine talaı ret aıttyq. Mańaıda «Platına» degen demalys orny bar. Ol jaqqa Germanııa, Reseıden kelgenderdiń «turmystaryń jaqsy, biraq joldaryń óte nashar» degeni bar, – deıdi turǵyn.

Aıyrtaý aýyldyq okrýginiń ákimi Darhan Tóleýhanovtyń aıtýynsha, psıhıatrııalyq aýrýhana qurylysyn jalǵastyrý úshin aýdan ákimdigi merdiger kompanııalarmen kelissóz júrgizip jatyr. Eger kelisim jasalsa, qurylys tamyz aıynda qaıta bastalmaq.

– Medıtsınalyq mekeme qurylysy offteık kelisimi arqyly júzege asyrylǵan. ıAǵnı, merdiger kompanııa nysandy óz qarajatyna salyp, daıyn bolǵan soń ákimdik satyp alýy tıis edi. Alaıda qurylysty bastaǵan merdigerdiń qarajaty jetpeı, jumys toqtap qaldy. Qazir kelissózder júrgizilip jatyr. Jol máselesine kelsek, byltyr bıýdjetke ótinim bergenbiz. Bıyl qarajat bólinbedi. Kelesi jyly bólinse, jol jóndeýdi qolǵa alamyz, – deıdi ol.

Darhan Tóleýhanov aýrýhananyń qujattary tolyq emestigin, qazir tek jer aktisi baryn málim etti. 

– Aýylishilik joldardy turǵyndar ótinishi boıynsha tegistep jatyrmyz. Byltyr qum men qıyrshyq tas qospasy tóseldi. Keıin jol betindegi tastarǵa baılanysty turǵyndar tarapynan narazylyq boldy. Jyl sońynda taǵy biraz qum septik, biraq ol jetkiliksiz boldy. Hokkeı torabyn salýǵa qarajat bólingen. Alaıda merdiger kompanııa jumysty durys atqarmaǵandyqtan, kelisimshartty buzdyq. Qazir jańa merdiger izdep jatyrmyz. Ol bıyl ornatylady, – dedi okrýg basshysy.

Belgili bolǵandaı, qurylysqa merdiger uıym – «Batyrhan – Sultan LTD» JShS jaýapty.

– Merdiger qurylystan bas tartqan joq. Qurylys qarjylandyrý máselesine baılanysty ýaqytsha toqtatylǵan. Resmı málimetke sáıkes, qazir qurylysty qaıta jalǵastyrý josparlanyp otyr. Jobany qaıta iske asyrýǵa qajetti qarjylandyrý máselesin sheshý úshin tıisti jumystar júrgizilip jatyr, – dep habarlady Ulan aýdany ákimdiginen. 

Aýdandyq ishki saıasat bóliminiń basshysy Anar Serǵazınanyń aıtýynsha, aýylishilik joldarǵa asfalt jabynyn tóseý maqsatynda 2027 jylǵa jobalyq-smetalyq qujattama ázirleý úshin qarjy bólýge ótinim berý josparlanyp otyr. Qajetti qarjy bólinse, qujattama ázirlenip, aýylishilik joldardy asfalttaý kezeń-kezeńimen júzege asyrylady. 

Eske salsaq, osyǵan deıin elde qurylysqa baqylaý júrgizbegen kompanııa basshysyna izdeý jarııalanǵany habarlanǵan.