ShQO-daǵy Artemev shahtasynda mehanık 9 metrden qulap, kóz jumdy
ÓSKEMEN. KAZINFORM – Shyǵys Qazaqstan oblysynda «Vostoktsvetmet» JShS-ge qarasty Artemev shahtasynda jazataıym oqıǵa bolyp, jumysshy kóz jumdy.
Aldyn ala málimet boıynsha, qaıǵyly oqıǵa 9 mamyr kúni jóndeý jumystary kezinde bolǵan.
– Shań-sorý jáne jeldetý qyzmetiniń mehanıgi shamamen 9 metr bıiktikten qulap, kóz jumdy, - dep habarlady kásiporynnyń baspasóz qyzmetinen.
Oqıǵanyń mán-jaıyn anyqtaý úshin arnaıy komıssııa quryldy. Qazirgi ýaqytta tergeý amaldary júrgizilip jatyr.
– Kompanııa qaza bolǵan qyzmetkerdiń týǵan-týystary men jaqyndaryna kóńil aıtady. Onyń otbasyna qajetti kómek pen qoldaý kórsetiledi, - dep málimdedi «Vostoktsvetmet» JShS ókilderi.
Eske salaıyq, buǵan deıin Óskemendegi «Qaztsınk» kásipornynda bolǵan jarylys saldarynan eki adam qaza taýyp, bes adam zardap shekkeni habarlanǵan bolatyn.
