ShQO-daǵy Altaı aýdanynda kópir qırady
ÓSKEMEN. KAZINFORM – Shyǵys Qazaqstan oblysy Altaı aýdanynda kópir qırap, jol ýaqytsha jabyldy.
Altaı aýdanyndaǵy «Oktıabr ótkeli-Altaıka-Jańa Haırýzovka» jolyndaǵy kópirdiń tirekterin jer asty sýlary shaıyp ketken. ShQO Aqparat ortalyǵynyń málimetine súıensek, jol ýaqytsha jabyldy.
«Aýdannyń Altaıka, Kremnıýha aýyldary men sharýa qojalyqtary, Úlken Naryn aýdanynyń Alybaı, Prımorsk eldi mekenderi arasyndaǵy kólik qatynasyn qamtamasyz etý úshin respýblıkalyq mańyzy bar «Óskemen-Altaı-Úlken Naryn-Rahman qaınary» avtomobıl jolyn paıdalaný usynyldy», - delingen habarlamada.
Qazirgi ýaqytta oqıǵanyń sebepterin anyqtaý úshin arnaıy komıssııa quryldy.
Kópirmen júrýge shekteý qoıylyp, jol belgileri ornatyldy. Sondaı-aq ýaqytsha aınalma jol salý jumystary bastalyp ketti.
