ShQO-daǵy 14 máslıhatqa 190-nan astam depýtat saılanady
ÓSKEMEN. KAZINFORM – Shyǵys Qazaqstan oblysynda 29 qarashada máslıhattardyń 192 depýtaty saılanady.
Óńirde barlyq deńgeıdegi máslıhat depýtattaryn kezekten tys saılaýǵa daıyndyq bastaldy. Aımaqtaǵy 14 máslıhatqa barlyǵy 192 depýtat saılanýy tıis.
Saılaý naýqanyn uıymdastyrýǵa 14 aýmaqtyq, 173 okrýgtik jáne 534 ýchaskelik saılaý komıssııasy jumyldyrylady. Olardyń quramynda jalpy sany 4 655 adam jumys isteıdi.
- Óskemende ótken oblystyq saılaý komıssııasynyń kezekten tys otyrysynda saılaý naýqanynyń kúntizbelik jospary, komıssııalardyń quramy men saılaý ýchaskeleriniń shekaralary týraly aqparatty jarııalaý máseleleri qaraldy. Sondaı-aq turǵyndardy daýys berý orny men ýaqyty týraly habardar etý, múgedektigi bar azamattarǵa qolaıly jaǵdaı jasaý jáne saılaý komıssııalary múshelerin oqytý máseleleri talqylandy, - dep habarlady saılaý komıssııasynan.
Aıta keteıik, máslıhat depýtattarynyń kezekten tys saılaýy 29 qarashada ótedi.
Eske salsaq, osyǵan deıin máslıhat saılaýyn ótkizýge Úkimet rezervinen qarjy bólinetindigi habarlanǵan.
