ShQO-daǵy 10 jaǵajaı qaýipsizdik talaptaryna sáıkes kelmeıdi
ÓSKEMEN. KAZINFORM — Shyǵys Qazaqstan oblysynda sý aıdyndaryndaǵy qaýipsizdik talaptaryn buzǵan 7 adam ákimshilik jaýapkershilikke tartyldy.
ShQO TJD bastyǵynyń orynbasary Amangeldi Eńsegenovtiń aıtýynsha, oblysta jappaı demalýǵa arnalǵan 23 ýchaske bar.
— Ózen-kólderdiń túbin tekserý boıynsha súńgýirlik jumystardy júrgizýge 18 ótinim kelip tústi. Tekserý nátıjeleri boıynsha 10 jaǵajaı sý aıdyndaryndaǵy qaýipsizdik qaǵıdalarynyń talaptaryna sáıkes kelmeıtindigi anyqtaldy. Búginde qaýipsizdikti qamtamasyz etý maqsatynda oblys akvatorııalarynda 5 qutqarý bólimshesi jumys isteıdi. Jaǵajaılarǵa barlyǵy 170 tyıym salý belgisi ornatylǵan, — deıdi ol.
Shomylý maýsymy bastalǵaly beri Shyǵys Qazaqstanda 2 adam sýǵa batyp ketti. Sý aıdyndarynda qaýipsizdik sharalaryn buzǵan 7 azamat ákimshilik jaýapkershilikke tartyldy.
Osy rette, qutqarýshylar demalýshylardy shomylý úshin tek jabdyqtalǵan oryndardy tańdaýǵa, sý aıdyndaryndaǵy tyıym salý belgilerin nazardan tys qaldyrmaýǵa shaqyrdy.
Eske salsaq, osyǵan deıin elordada qaı oryndarda shomylýǵa ruqsat etilgendigi jaıly jazǵanbyz.
