ShQO-da jyraǵa túsip ketken jylqy qutqaryldy
ÓSKEMEN. QazAqparat - Óskemende jyraǵa qulap túsip, áreń tynystap jatqan jylqy qutqaryldy, dep habarlaıdy QazAqparat tilshisi.
Shyǵys Qazaqstan oblystyq Tótenshe jaǵdaılar departamenti baspasóz qyzmetiniń málimetine súıensek, 29 tamyz kúni qutqarýshylarǵa habarlasqan jergilikti turǵyndar jyradan jylqyny shyǵarýǵa kómektesýlerin surady.
«Olar ózderi jylqyny shyǵara almaı qoıǵan. Tún kezinde orǵa arqamen qulaǵan janýar áreń tynystap jatty. Ordyń tereńdigi 1 jarym metrdeı. Eger bir saǵat keshikse tym kesh bolar edi, - dep habarlady vedomstvo ókilderi.
Qutqarýshylar arqanmen jylqyny shyǵarýǵa kiristi. Alaıda jyra tar bolǵandyqtan, ony keńeıtý kerek boldy. 30 mınýt ishinde jylqy aman-esen shyǵaryldy.
