ShQO-da jyljymaıtyn múlik ortalyǵynyń dırektory alaıaqtyq jasady degen kúdikke ilindi

ÓSKEMEN. QazAqparat – Shyǵys Qazaqstan oblysyndaǵy jyljymaıtyn múlik ortalyǵynyń dırektory alaıaqtyq jasady degen kúdikke ilindi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «102» jedel arnasyna Tarbaǵataı aýdanynyń 60 jastaǵy turǵyny habarlasqan. Óz sózinde ol 2020 jyldyń qazan aıynda jyljymaıtyn múlik agenttigi keńsesindegi belgisiz áıel adamnyń ıpotekalyq baǵdarlama boıynsha páterdi resimdeýge kómek kórsetetindigin aıtyp, 3 786 000 teńge aqsha suraǵanyn jetkizdi.

«Jedel-izdestirý sharalaryn júrgizgen krımınaldyq polıtsııa qyzmetkerleri jyljymaıtyn múlik agenttiginiń 31 jastaǵy dırektoryn ustady. Qazirgi ýaqytta onyń basqa da uqsas qylmystarǵa qatystylyǵy tekserilýde», - dep habarlady ShQO PD bastyǵy Saǵat Mádıev.

Qazirgi ýaqytta atalǵan fakti boıynsha QR QK-niń 190-baby 3-bóligine sáıkes sotqa deıingi tergeý amaldary júrgizilýde.