ShQO-da jyljymaly medıtsınalyq keshender eldi mekenderdi aralaıdy
«Áleýmettik medıtsınalyq saqtandyrý qory» ShQO fılıaly baspasóz qyzmetiniń málimetine súıensek, 2022 jyly jyljymaly medıtsınalyq keshenderdiń jumysyna 700 mln teńgeden astam qarajat bólingen.
«Avtobýs-emhanalar sapaly medıtsınalyq kómekti shalǵaı aýyldardaǵy turǵyndar úshin qoljetimdi etedi. Mamandar kóliktermen eldi mekenderdi aralap, jurtshylyqqa qajetti qyzmet kórsetedi. Bul keshenderdiń jumys kestesin uıymdastyrý oblystyq Densaýlyq saqtaý basqarmasynyń quzyretinde. Osy jyly azamattarǵa 250-den astam qyzmet kórsetilip, eldi-mekenderdi aralaý josparlanǵan», - delingen aqparatta.
Aıta keteıik, jyljymaly medıtsınalyq keshendegi kómek ýchaskelik dárigerdiń joldamasynsyz kórsetile beredi. Onda dıagnostıkalyq sharalar men zerthanalyq tekserýler júrgizý úshin qajetti jabdyqtar bar.