ShQO-da jylytý maýsymynda órtten 22 adam kóz jumdy
ÓSKEMEN. QazAqparat – Shyǵys Qazaqstan oblysynda jylytý maýsymy bastalǵaly beri órtten 22 adam mert bolǵan, dep habarlaıdy QazAqparat tilshisi.
Bul jaıly oblystyq Aqparat ortalyǵynda ótken baspasóz máslıhatynda ShQO TJD memlekettik órt baqylaý basqarmasy bastyǵynyń orynbasary Nurjan Ómirjanov aıtyp berdi.
«Jylytý maýsymy bastalǵaly beri turǵyn úı sektorynda bolǵan órt sany ótken jylmen salystyrǵanda 24 %-ǵa azaıyp otyr. Órt saldarynan 22 adam kóz jumǵan. Bul byltyrǵy jylytý maýsymyna qaraǵanda 38%-ǵa az», - dedi ol.
72% jaǵdaıda adamdardyń qaza bolýyna – otty abaısyz qoldaný jáne mas kúıde temeki shegý sebep bolǵan.
«Sońǵy ýaqytta kottedjder men saıajaılarda turǵyndarǵa ıis tııý faktileri jıilep ketti. Azamattar úılerinde órt qaýipsizdigi talaptaryn saqtamaı, bul keıinnen jazataıym oqıǵalarǵa ákep soǵyp jatady. Bıylǵy jylytý maýsymynda qutqarýshylar 439 000-nan astam úılerdi aralap, 694 000 adamdy qamtydy. Nátıjesinde, 101 593 úıde órt qaýipsizdigi erejelerin buzý faktileri anyqtaldy», - dedi Nurjan Ómirjanov.
