ShQO-da jylytý maýsymy bastalǵaly ıis tıgen 11 adam kóz jumdy
ÓSKEMEN. QazAqparat – Shyǵys Qazaqstan oblysynda jylytý maýsymy bastalǵaly beri ıis tıgen 11 adam qaza boldy, dep habarlaıdy QazAqparat tilshisi.
ShQO TJD baspasóz qyzmetiniń málimetinshe, jylytý maýsymy bastalǵaly beri turǵyn úılerge kún saıyn profılaktıkalyq tekserýler júrgizilýde.
Nátıjesinde qutqarýshylar peshti paıdalaný kezinde órt qaýipsizdigi talaptaryn buzýdyń 85 495 faktisin anyqtady.
«Bıylǵy jylytý maýsymynda ıis tıgen 72 adam zardap shegip, 11 adam kóz jumǵan. Sońǵy oqıǵa 9 naýryz kúni Óskemen qalasynda boldy. Iis tıgen 1951 jylǵy zeınetker aýrýhanaǵa jetkizildi. Onyń eki nemeresi de zardap shekken. Belgili bolǵandaı, qutqarýshylar birneshe kún buryn osy úıge baryp, úı ıesine tıisti nusqama bergen. Alaıda ol eskertýlerdi elemedi» delingen habarlamada.
Jazataıym oqıǵa men órttiń aldyn alý úshin qutqarýshylar óńir jurtshylyǵyna turaqty túrde túsindirý jumysyn júrgizip jatyr.
2021 jyldyń basynan beri 82 481 tekserý jasalǵan.
Áleýmettik osal 11 429 otbasynyń turǵyn úıine ýly gaz datchıkteri ornatyldy.
