ShQO-da jylytý maýsymy bastalǵaly beri ıis tıgen 3 bala kóz jumdy
ÓSKEMEN. QazAqparat – Shyǵys Qazaqstan oblysynda jylytý maýsymy bastalǵaly beri ıis tıgen 10 adam, onyń ishinde 3 bala mert bolǵan, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, ıis tııýge kóp jaǵdaıda – peshte aqaý nemese jaryqtyń bolýy, murjasynyń ýaqtyly tazalanbaýy jáne bitelýi sebep bolyp jatady. Eger turǵyndar profılaktıkalyq reıdter kezinde órt sóndirýshiler jasaǵan eskertpelerdi oryndasa jazataıym oqıǵalardyń aldyn alýǵa bolar edi.
Taldaý kórsetkendeı, ıis tııý faktileri negizinen juma men seısenbi kúnderi tirkelgen.
«3 aqpanda Kókpekti aýdanynda taǵy bir oqıǵa boldy. Aýrýhanaǵa ıis tıgen 2008 jylǵy qyz tústi. Buǵan sebep – pesh murjasynyń bitelýi», - dep habarlady vedomostvo ókilderi.
Qutqarýshylar osyǵan deıin bul úıge baryp, eskertý jasaǵanymen buzýshylyqtar sol kúıi joıylmaǵan.
Shyǵys Qazaqstan oblysynda jylytý maýsymy bastalǵaly beri 62 adamǵa ıis tıgen. Sonyń saldarynan 10 adam, onyń ishinde 3 bala kóz jumdy.
TJD mamandarynyń aıtýynsha, peshti úsh aıda keminde bir ret tazalap otyrý kerek.
