ShQO-da jylý aqysyn artyq tólegen turǵyndarǵa 445 mln teńge qaıtarylmaq
ÓSKEMEN. QazAqparat – Shyǵys Qazaqstan oblysynda jylý aqysyn artyq tólegen turǵyndarǵa 445 mln teńge qaıtarylmaq, dep habarlaıdy QazAqparat tilshisi.
Tabıǵı monopolııalardy retteý komıtetiniń ShQO boıynsha departamentiniń málimetine súıensek, 2022-2023 jylǵy jylytý maýsymynyń korytyndysyna sáıkes óńir boıynsha jylýmen jabdyqtaý qyzmetiniń qunyn qaıta esepteý jumystary júrgizildi.
«Sonyń nátıjesinde, halyqqa qaıtarylýy tıis soma 445 mln teńgeni qurady. Onyń ishinde «Rıdder jylý elektr ortalyǵy» AQ – 292 722 57 teńge, «Óskemen jylý jelileri» AQ – 128 394 227 teńge, «Teploenergııa» MKK – 12 053 006 teńge, «Vostokenergo» JShS – 11 388 124 teńge», - delingen aqparatta.
Vedomstvo dereginshe, endi barlyq tutynýshylar úıdegi jalpy jylý eseptegish quraldaryn paıdalanýǵa aýysatyndyqtan, tutynýshy tek naqty tutynǵan jylý mólsheri úshin tóleıtin bolady.
Eske salsaq, osyǵan deıin Rıdder jylý ortalyǵyndaǵy 4 qazandyq 20 qyrkúıekke deıin iske qosylatyndyǵy habarlanǵan.
