ShQO-da jylqyny soqqan kólik júrgizýshisi qaza taýyp, 4 jolaýshy jaraqat aldy
ÓSKEMEN. QazAqparat – Shyǵys Qazaqstan oblysynda jylqyǵa soǵylǵan kólik júrgizýshisi kóz jumyp, 4 jolaýshy jaraqat aldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy 20 shilde kúni tańǵy saǵat 04.20-da respýblıkalyq mańyzy bar Omby-Maıqapshaǵaı tasjolynyń Jarma aýdanyndaǵy tusynda bolǵan.
- «Toyota Crown» avtokóliginiń 21 jastaǵy júrgizýshisi úsh jylqyǵa soǵylǵan. Sonyń saldarynan júrgizýshi oqıǵa ornynda qaıtys boldy. Al tórt jolaýshy, atap aıtqanda 48 jáne 25 jastaǵy eki áıel, 25 jastaǵy er adam men 1 jasar bala túrli deńgeıdegi jaraqattarmen medıtsınalyq mekemege jetkizildi, - delingen aqparatta.
Atalǵan fakti boıynsha Qazaqstan Respýblıkasy Qylmystyq Kodeksiniń 345-baby 3-bóligine sáıkes sotqa deıingi tergeý bastaldy.
Birqatar sot-medıtsınalyq saraptama taǵaıyndalyp, sonyń qorytyndysy boıynsha protsessýaldyq sheshim qabyldanady.
