ShQO-da jylqyny kólik qaǵyp, eki adam zardap shekti
ÓSKEMEN. QazAqparat – Shyǵys Qazaqstan oblysynda jylqyny kólik qaǵyp ketip, eki adam jaraqattandy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, 13 qyrkúıek kúni keshki saǵat 21:30 shamasynda «Óskemen-Samar» tasjolynyń 56-shaqyrymynda Lada Largus avtokóligin júrgizip kele jatqan 44 jastaǵy júrgizýshi 1,5 jasar qunandy qaǵyp ketken.
«Jol-kólik oqıǵasy saldarynan júrgizýshi men onyń áıeli túrli dene jaraqatyn alǵan. Sondaı-aq kólik ıesine materıaldyq zalal keldi» dep habarlady vedomstvo ókilderi.
Maldy qaraýsyz jaıǵany úshin QR Ákimshilik quqyq buzý týraly kodekstiń 408-baby boıynsha jylqy ıesine hattama toltyryldy.
