ShQO-da jylqyǵa soǵylǵan kólik júrgizýshisi kóz jumdy
ÓSKEMEN. QazAqparat – Shyǵys Qazaqstan oblysynyń Ulan aýdanynda jylqyǵa soǵylǵan kólik júrgizýshisi mert boldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy 11 qyrkúıek saǵat 02:44 shamasynda Ulan aýdany Aıyrtaý aýylynyń mańynda bolǵan. Respýblıkalyq mańyzy bar «Almaty-Óskemen» tasjolynyń 18-shaqyrymynda kele jatqan «Lada Granta» avtokóligi jylqyǵa soǵyldy.
«Sonyń saldarynan 42 jastaǵy júrgizýshi sol jerde kóz jumdy. Al jaraqat alǵan 68 jastaǵy jolaýshy medıtsınalyq mekemege jatqyzyldy. Atalǵan fakti boıynsha QR QK-niń 345-baby 3-bóligine (Kólik quraldaryn basqaratyn adamnyń abaısyzda adam ólimine ákep soqqan jol júrisi qaǵıdalaryn buzýy) sáıkes sotqa deıingi tergeý amaldary bastaldy», - delingen aqparatta.
Birqatar sot-medıtsınalyq saraptama taǵaıyndalǵan. Sonyń nátıjeleri boıynsha protsessýaldyq sheshim qabyldanady.
