ShQO-da jylqy izdep júrip boranda adasyp ketken er adam tabyldy

ÓSKEMEN. QazAqparat – Shyǵys Qazaqstan oblysy Zaısan aýdanynda jylqy izdeýge ketip, boranda adasyp ketken er adam tabyldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 13 jeltoqsanda saǵat 08-00-de Zaısan aýdany Qarasaı aýylynda úıden jylqy izdeýge shyqqan 21 jastaǵy sol kúıi jigit joǵalyp ketken.

«Habar túse salysymen qutqarýshylar, polıtseıler jáne jergilikti atqarýshy organ ókilderi er adamdy izdeýge attandy. Aýa raıynyń qolaısyzdyǵyna, naqty aıtqanda aıaz ben boranǵa qaramastan izdestirý jumystaryna 11 adam men 2 tehnıka tartylǵan. Abyroı bolǵanda, 14 jeltoqsanda túngi saǵat 01:00-de adasyp ketken azamat aman-esen tabyldy», - delingen aqparatta.

Oǵan medıtsınalyq kómek qajet bolǵan joq.

Foto: ShQO TJD baspasóz qyzmeti