ShQO-da jyldam ónim beretin kartop sorty shyǵaryldy
ASTANA. QazAqparat - S. Amanjolov atyndaǵy ShQMÝ-dyń ǵalymdary shyǵymy joǵary, ári jergilikti klımatqa beıimdelgen kartop suryptaryn shyǵardy, dep habarlaıdy altaynews.kz .
Ýnıversıettiń aǵa oqytýshysy, aýyl sharýashylyǵy ǵylymynyń kandıdaty Galına Kýzmına ólke jaǵdaıyna beıimdelgen, jańbyr men shólge birdeı tózimdi, joǵary surypty kartop ónimin zerttep, memlekettik suryp synaǵyna jiberdi. Ol týrasynda zertteý ortalyǵynyń ǵylymı qyzmetkeri, bıologııa magıstri Araı Murathanqyzy baıandap berdi.
«Memlekettik suryp synaǵyna jibergen jobanyń taqyryby: «Shyǵys Qazaqstan aımaǵynda ózimizdiń jáne TMD elderiniń selektsııasynyń tózimdi ári ónimdiligi joǵary kartop suryptaryn iriktep alý». Osy joba boıynsha erekshe kózge túsken «Ýdacha» jáne «Sante» atty eki surypty aýyl sharýashylyǵy mınıstrligine usyndyq. Sondaı-aq, 32 gıbrıdtiń ishinen tańdalǵan «Shyǵys», «Izolda», «Tavrııa» atty úsh gıbrıdke de suryp shenin bermek úshin usynys jasap otyrmyz», - deıdi ǵalym.
Jalpy ýnıversıtet kollektsııasynda 60-qa jýyq kartop suryby bar. Aldaǵy kúnderi osy 60 suryptyń ishinen 50 túp kartop óskinin «Ulan-jemis» sharýashylyǵyna egý josparlanǵan. Al qalǵan onshaqty sort qalemsheleý ádisi jáne mıkrotúınekterin alý ádisi arqyly qaıtadan kóbeıtiledi.
«Qazir óńirde egiletin kartop tuqymdarynyń kóbi Gollandııa, Reseı, Germanııa sııaqty elderden ákelinedi. Solardyń ornyn jergilikti tuqymdarmen almastyrý maqsatynda kartop suryptaryn alýǵa negizdelgen ǵylymı-zertteý jumystaryn júrgizip kelemiz. Óıtkeni, shet elden ákelingen kartop suryptary bizdiń aýmaǵymyzdyń klımattyq jaǵdaıyna beıimdelmegen. Sondyqtan, bul sheteldik suryptar kútimi kelsipegen jaǵdaıda eki-úsh jyl ótpeı jatyp óz ónimdilikterin joǵaltady», - deıdi Araı Murathanqyzy.
Jobanyń ereksheligi sol, atalǵan suryptar bas-aıaǵy 70-75 kúnniń ishinde ónim bere alady.
