ShQO-da jyl sońyna deıin 317 myń sharshy metr turǵyn úı paıdalanýǵa beriledi

ÓSKEMEN. QazAqparat – Shyǵys Qazaqstan oblysynda jyl sońyna deıin 317 myń sharshy metr turǵyn úı paıdalanýǵa beriledi, dep habarlaıdy QazAqparat tilshisi.

ShQO ákimdiginiń otyrysynda turǵyn úı qurylysy sóz boldy. Aımaq basshysy Danıal Ahmetovtyń aıtýynsha, osy jyldyń sońyna deıin 317 myń sharshy metr turǵyn úı paıdalanýǵa berilmek. Bul - úsh myńǵa jýyq páter.

«2023 jyly osy kórsetkishti segiz myń sharshy metrge deıin arttyrý josparlanýda. Jeke ınvestıtsııalar esebinen salynyp jatqan kommertsııalyq turǵyn úıge de suranys bar. Búginde 64 úıge jobalyq-smetalyq qujattama ázirlenýde. Óskemenniń 22-shi shaǵyn aýdanynda qurylys jumystary úshin jer ýchaskeleri resimdelýde», - dedi ShQO ákimi

«Birqabatty Shyǵys» baǵdarlamasy boıynsha óńirde 126 úı salynyp jatyr. Budan bólek, Shyǵys Qazaqstan aýyldarynda kópbalaly otbasylar úshin taǵy 58 úıdiń qurylysy júrgizilýde.