ShQO-da jyl saıyn IT-mamandyqtar boıynsha grant sany 10% artady

ÓSKEMEN. QazAqparat - Shyǵys Qazaqstan oblysynda jyl saıyn IT-mamandyqtar boıynsha grant sany 10% artady, dep habarlaıdy QazAqparat tilshisi.

Bul jaıly aımaq basshysy Danıal Ahmetovtiń tóraǵalyǵymen ótken jınalys barysynda aıtyldy.

«Prezıdent Qasym-Jomart Toqaev bıylǵy Joldaýynda IT-sektordy jas ári yntaly kadrlarmen kúsheıtýdi, keminde 100 myń joǵary bilikti maman daıyndaýdy tapsyrǵan bolatyn. Osy maqsatta oblysta IT-mamandyqtar boıynsha granttar sanyn jyl saıyn 10 paıyzǵa arttyrý qajet. Sondaı-aq bilim berý uıymdarynyń bazasynda halyqaralyq standarttar boıynsha baǵdarlamalaý kabınetterin ashý kerek», - dedi oblys ákimi.

Onyń aıtýynsha, óńirde atalmysh salany damytý úshin birqatar shara atqarylyp jatyr. Máselen, búginde oblysta vedomstvoaralyq biryńǵaı ahýaldyq ortalyq jumys isteýde. Sonyń nátıjesinde, jyl basynan beri 6 myńnan astam ákimshilik quqyq buzýshylyq pen qylmys ashylyp, 1,3 mlrd teńge aıyppul óndirilgen.