ShQO-da jyl boıy jylqy urlaýmen aınalysqan baýkespeler ustaldy
ShQO Polıtsııa departamenti baspasóz qyzmetiniń málimetine súıensek, jedel-izdestirý sharalaryn júrgizgen polıtsııa qyzmetkerleri Úrjar aýdany Altynshoqy aýylynyń 33 jáne 43 jastaǵy eki turǵynyn qolǵa túsirdi. Qazirgi ýaqytta olardyń mal urlyǵynyń 8 faktisine qatysy bary anyqtalyp otyr.
Máselen, osy jyldyń tamyz aıynyń sońynda aldyn ala sóz baılasqan er adamdar Taskeken aýylynyń shetindegi jaıylymnan 5 jylqyny aıdap ketken. Baýkespeler jyl boıy Úrjar aýdanyndaǵy kórshi aýyldardan sıyr men jylqyny tún jamylyp urlap kelgen. Maldyń bir bóligi soıylsa, qalǵany tirideı satylǵan.
«Kúdiktiler urlanǵan maldy Túrkistan oblysynyń turǵynyna satyp, aqshany óz qajettilikterine jumsaǵan. Ustalǵandardyń biriniń úıin tintý kezinde, aýlasynda eki qulyny bar bıe, mal terileri jáne 200 kelideı et tabyldy», - dedi ShQO PD bastyǵy Saǵat Mádıev.
Barlyq faktiler boıynsha QR Qylmystyq kodeksiniń 188- baby 1-bóliginiń 2-tarmaǵy boıynsha sotqa deıingi tergeý amaldary júrgizilýde. Kúdiktiler ýaqytsha ustaý ızolıatoryna qamaldy.