ShQO-da jyl basynan temekiniń kesirinen 9 ret órt shyqqan
ÓSKEMEN. QazAqparat – Óskemen qalasynda temekiniń kesirinen páterde órt shyǵyp, 1958 jylǵy er adam aýrýhanaǵa tústi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 13 sáýirde Astana kóshesindegi kópqabatty turǵyn úıden órt shyqqan. Oqıǵa ornyna órt sóndirýshiler shuǵyl kelip jetti.
«Belgili bolǵandaı, tórtinshi qabattaǵy páter ishinde jıhazdy qyzyl jalyn sharpyǵan. Kóp uzamaı tilsiz jaý tolyqtaı aýyzdyqtaldy. Órtti sóndirýge 15 adam men 5 tehnıka jumyldyrylǵan», - delingen habarlamada.
Aýrýhanaǵa páter ıesiniń 1958 jylǵy kúıeýi jatqyzyldy. Órttiń shyǵýyna – temeki shegý kezindegi abaısyzdyq sebep bolǵan.
Aıta keteıik, 2021 jyldyń basynan beri Shyǵys Qazaqstanda temekiniń kesirinen 9 ret órt boldy.
