ShQO-da jyl basynan beri saýda nysandarynda 17 órt boldy
ÓSKEMEN. QazAqparat – Shyǵys Qazaqstan oblysynda jyl basynan beri saýda nysandarynda 17 órt boldy, dep habarlaıdy QazAqparat tilshisi.
ShQO TJD baspasóz qyzmetiniń málimetine súıensek, Kúrshim aýdanynda órt sóndirýshiler Býntovskıı kóshesindegi jeke turǵan dúkennen shyqqan qyzyl jalyndy aýyzdyqtady. Jalyn sharpyǵan jalpy aýdan 20 sharshy metrdi quraǵan. Órttiń shyǵý sebebi – elektr symdarynyń qysqa tuıyqtalýynan bolýy múmkin.
«Jyl basynan beri oblystyń saýda nysandarynda 17 órt boldy. Departament mamandarymen órt-tehnıkalyq tekserý júrgizý kezinde 11 saýda obektisinde 50-ge jýyq buzýshylyq anyqtalǵan. Sol úshin 7 adam jaýapqa tartyldy», - dedi oblystyq TJD bastyǵynyń orynbasary Serik Amangeldın.
Buzýshylyqtar kóbinese – elektr symdaryndaǵy aqaýlarǵa, elektr jabdyqtarynyń apattyq rejımine, órt sóndirý quraldarynyń qajetti mólsherde bolmaýyna jáne avtomatty órt dabylynyń aqaýyna qatysty bolyp otyr.
