ShQO-da jyl basynan beri páterde qamalyp qalǵan 60-tan astam adam qutqaryldy
ÓSKEMEN. QazAqparat – Óskemende páterde qamalyp qalǵan 4 jasar bala qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, esikti ózdiginen asha almaǵan ata-anasy qutqarýshylardy shaqyrǵan.
«Óskemen qalasyndaǵy №8 órt sóndirý bóliminiń qyzmetkerleri úshıindi satynyń kómegimen ekinshi qabattaǵy páter terezesine kirip, esikti ashty. Anyqtalǵandaı, qarshadaı qyz áke-sheshesi syrtqa shyǵyp ketkende esikti ishten qulyptap alǵan», - dep habarlady vedomstvo ókilderi.
Osy rette, departament mamandary ata-analarǵa qandaı jaǵdaı bolmasyn balany jalǵyz qaldyrmaı, barynsha abaı bolý qajettigin eskertedi.
Aıta keteıik, Shyǵys Qazaqstan oblysynda jyl basynan beri páterde qamalyp qalǵan 60-tan astam adam qutqaryldy.
