ShQO-da jyl basynan beri órtten 21 adam qutqaryldy
ShQO Tótenshe jaǵdaılar departamenti baspasóz qyzmetiniń málimetine súıensek, óńirde jyl basynan beri 89 órt boldy. Tilsiz jaýdy aýyzdyqtaýǵa kelgen órt sóndirýshiler 21 adamdy qutqaryp qalǵan. Kóp jaǵdaıda órt jer úılerde tirkeldi. Jalynnyń shyǵý sebepteri: otty abaısyz paıdalaný (50 jaǵdaı), elektr quraldaryn qoldaný kezinde (19) jáne peshti paıdalanǵanda (15) qaýipsizdik erejelerin saqtamaý.
«Qutqarýshylar órttiń aldyn alý maqsatynda kúndelikti turǵyn úılerdi aralap shyǵady. Olar kúnine orta eseppen 2500-den astam úıge baryp, qaýipsizdik sharalaryn túsindiredi. Aýlalardy aralap, qajetti aqparattar jazylǵan jadynamalardy taratady. Bul rette, basty nazar áleýmettik osal topqa jatatyn otbasylarǵa aýdarylǵan», - delingen aqparatta.
Aıta keteıik, kóbinese pesh pen elektr jabdyqtarynyń durys ornatylmaýy syndy buzýshylyqtar anyqtalyp jatady.
