ShQO-da jyl basynan beri órtten 13 bala qutqaryldy
ShQO TJD baspasóz qyzmetiniń málimetine súıensek, 2022 jyldyń basynan beri departament qyzmetkerleri órtten 13 balany jáne apattyq-qutqarý jumystary kezinde 99 balany qutqaryp qalǵan. Kóbinese balalar páterler men úılerde qamalyp jatady, túrli jerde qystyrylyp qalady, qaýipti zattarmen, sirińkelermen oınaıdy, talǵa órmelep shyǵyp, ashyq turǵan tereze aldyna shyǵady, qaýipti toǵandardyń janynda júredi.
Máselen, 4 qarashada saǵat 00:42 shamasynda Óskemende qutqarýshylar Nursultan Nazarbaev dańǵylyndaǵy páterdiń jýynatyn bólmesinde jabylyp qalǵan balaǵa kómekke keldi. Ata-anasy esikti óz betinshe asha almaǵan. TJD qyzmetkerleri kelgen soń arnaıy quraldardyń kómegimen esiktiń qulpyn ashyp, 2009 jyly týǵan balany qutqardy.
«Balalar túrli jaǵdaılarǵa tap bolyp jatady. Keıde ata-anasy qaýip deńgeıin durys baǵalamaı túrli jerde jalǵyz qaldyryp ketedi. Olarǵa der kezinde kómektesýge tyrysamyz», - deıdi departamenttiń órt sóndirý jáne apattyq-qutqarý jumystary qyzmetiniń bastyǵy Aıdos Núsipbaev.
Osy rette, ShQO TJD ata-analarǵa balalarynyń qaýipsizdigin árkez basty nazarda ustaýdy eskertedi. Eshbir jaǵdaıda balalardy qaraýsyz qaldyrmańyz. Olardyń bos ýaqytyn oılastyryńyz. Kóshede jáne úıde júris-turys erejelerin túsindirińiz.
Foto: news.myseldon.com