ShQO-da jyl basynan beri 890 tonna pishen órtendi
ÓSKEMEN. QazAqparat – Shyǵys Qazaqstan oblysynda bıyl 890 tonna pishen órtengen, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, órt sóndirýshiler jyl basynan beri 890 tonna pishendi sharpyǵan qyzyl jalyndy aýyzdyqtady.
«Ótken eki aptada ǵana Katonqaraǵaı aýdanynda - 14 tonna, Jarmada - 92, Úrjarda - 12, Altaıda - 1 jáne Glýbokoe aýdanynda - 11 tonna shóp órtengen. Kóp jaǵdaıda buǵan – otty abaısyz paıdalaný jáne órt qaýipsizdigi talaptarynyń saqtalmaýy sebep bolýda», - delingen aqparatta.
Osy rette, TJD mamandary jem-shópti saqtaǵan kezde órt qaýipsizdiginiń erejelerin qaperde ustaý qajettigin eskertti. Atap aıtqanda, pishendi durystap keptirip, janǵysh qoqystardan aýlaq jerge jınaý qajet.
