ShQO-da jyl basynan beri 61 kólik órtengen
ÓSKEMEN. QazAqparat – Shyǵys Qazaqstan oblysynda 2021 jyldyń basynan beri 61 kólik órtengen, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 7 sáýir kúni Semeı qalasynda jol boıynda «Gazel» markaly avtokólik otqa oranǵan. Oqıǵa ornyna órt sóndirýshiler kelip jetken kezde qyzyl jalyn motor bólshekterin, aspaptar panelin, salondy, dońǵalaqtar men aldyńǵy shınalardy sharpyp jatty.
«Qutqarýshylar jalpy aýdany 6 sharshy metrdi quraǵan tilsiz jaýdy aýyzdyqtady. Órttiń shyǵýyna – qaýiptiligi joǵary agregatpen abaısyz jumys atqarý sebep bolǵan», - dep habarlady vedomstvo ókilderi.
Jyl basynan beri óńirde 61 avtokólik órtengen. Bul kórsetkish ótken jyldyń sáıkes kezeńimen salystyrǵanda 60,5 paıyzǵa ósip otyr.
