ShQO-da jyl basynan beri 56 adam ıis tıp, kóz jumdy
ÓSKEMEN. QazAqparat – Shyǵys Qazaqstan oblysynda bıyl ıis tıgen 56 adam kóz jumdy, dep habarlaıdy QazAqparat tilshisi.
Bıylǵy 8 aıda óńir boıynsha myńǵa jýyq órt bolǵan. Kóp jaǵdaıda tilsiz jaý turǵyn úı sektorynda shyqty. Órt saldarynan 34 adam mert bolǵan. Qutqarýshylardyń málimetinshe, osy jyly ıis tıip kóz jumǵandar sany kúrt ósip ketti. Naqty aıtqanda, byltyr 36 adam bolsa, bıyl bul kórsetkish 56-ǵa jetken.
«Sondyqtan jer úıde turatyn azamattardy barynsha abaı bolýǵa shaqyramyz. Sebebi alda jylytý maýsymy kele jatyr. Tájirıbe kórsetkendeı, bul kezeńde órt sany artady. Aqaýy bar jáne eski jylytý peshterin paıdalaný jáne shamadan tys jaǵý, ártúrli tez tutanatyn suıyqtyqtardy qoldanýdyń sońy qaıǵyly jaǵdaılarǵa ákelip soǵady», - dedi ShQO TJD memlekettik órt baqylaý basqarmasynyń bastyǵy Serik Amangeldın.
Qazirgi ýaqytta departament qyzmetkerleri jylytý maýsymyna daıyndyq jumystaryn bastap ketti. Oblys boıynsha barlyǵy 238 110 turǵyn úı tirkelgen.
