ShQO-da jyl aıaǵyna deıin 20 myńnan astam aýyl turǵyny taza aýyz sýmen qamtylady
ÓSKEMEN. QazAqparat – Búginde shalǵaıdaǵy aýyldardy ortalyqtandyrylǵan aýyz sýmen qamtý máselesi áli de ózekti. ShQO-da bıyl bul baǵytta 139 joba júzege asyrylýda, dep habarlaıdy QazAqparat tilshisi.
Onyń 92-si jeltoqsan aıynyń sońyna deıin aıaqtalady. Nátıjesinde, 20 myńnan astam aýyl turǵyny taza aýyz sýmen qamtamasyz etilmek.
Jalpy, óńir halqynyń 90,5%-y, 683 eldi mekenniń 462-si búginde ortalyqtandyrylǵan taza aýyz sýǵa qosylǵan. Jańa jylǵa deıin 7 myńǵa jýyq halyq turatyn 51 eldi mekenderde blokty-modýldi stantsııalar ornatylady. Qazirgi ýaqytta josparlanǵan 585 shaqyrym qubyr jelileriniń 476-sy tartyldy.
«Oblystaǵy barlyq aýyldar taza aýyz sýmen qamtamasyz etilýi qajet. Bul aldaǵy úsh jylǵa qoıylǵan basty mindettiń biri. Sondyqtan, josparlanǵan jobalardyń barlyǵy óz merziminde oryndalýy tıis», - dedi ShQO ákimi Danıal Ahmetov.
Aıta keteıik, sýmen qamtylý deńgeıi ortasha oblystyq kórsetkishten tómen alty aýdan úshin jalpy quny 13 mlrd teńgege qosymsha 28 jobalyq smetalyq qujattama ázirlenýde. Keler jyly 126 jobany júzege asyrý josparlanyp otyr.
