ShQO-da júz bastan astam mal urlaǵan eki jigit qolǵa tústi
ÓSKEMEN. QazAqparat – Shyǵys Qazaqstan oblysynda 19 ret mal urlaǵan eki er adam ustaldy, dep habarlaıdy QazAqparat.
ShQO Polıtsııa departamentiniń málimetine súıensek, Jarma aýdany Jańǵyztóbe kentiniń 21 jáne 23 jastaǵy eki turǵyny birneshe aı boıy Semeı qalasynyń aýmaǵynda mal urlyǵymen aınalysqan.
Jedel izdestirý sharalaryn júrgizgen tártip saqshylardy kúdiktilerdi qolǵa túsirdi. Olardan urlanǵan mal eti men terisi, qylmys jasaǵan kezde paıdalanǵan kólikteri tárkilendi. Sondaı-aq, baýkespelerge etti satýǵa kómekteskender de anyqtalǵan.
«Qazirgi ýaqytta kúdiktilerdiń 100 bastan astam mal urlanǵan 19 qylmysqa qatysy bar ekendigi dáleldenip otyr. Osyǵan oraı QR QK-niń 188-baby 3-bóligi boıynsha sotqa deıingi tergeý júrgizilýde», - dep habarlady vedomstvo ókilderi.
