ShQO-da jurtqa aldap nesıe alǵyzǵan áıel ustaldy
ÓSKEMEN. QazAqparat - Semeı qalasynda ózgelerge aldap nesıe alǵyzyp, paıda tappaq bolǵan áıel ustaldy, dep habarlaıdy QazAqparat tilshisi.
Mılana degen atpen alaıaqtyq jasaǵan qyzdyń ústinen 3 adam shaǵym túsirgen. Ol óz qurbandarymen tanysqan boıda áńgimege tartyp, atyna nesıe rásimdep, aqysyna 100 myń teńge tólep otyrǵan. Al nesıe qaryzyn keıin bazadan óshirip tastaıtyndyqtan, tólem týraly talap bolmaıdy dep sendirgen. Ońaı oljaǵa qunyqqan jandar aldanǵandaryn nesıe tóleý týraly eskertý kelgende ǵana bilip otyrǵan.
«Krımınaldyq polıtsııa qyzmetkerleri 26 jastaǵy jarmalyq áıeldi ustady. Turǵyndarǵa kelgen shyǵyn kólemi 500 myń teńgeden asady. Qylmystyq kodekske sáıkes, «Alıaqtyq» baby boıynsha tergeý-tekserý jumystary júrgizilip jatyr», - delingen oblystyq ishki ister departamenti taratqan málimette.
Qazir kúdiktiniń osyǵan uqsas basqa da isterge qatysy tekserilýde.
